DIANA DA COSTA, ESTUDANTE HOSI ESTV-IT 28 DE NOVEMBRU SAI PRIMEIRU LUGAR IHA QUIZ BA LORON KONSULTA POPULÁR

DIANA DA COSTA, ESTUDANTE HOSI ESTV-IT 28 DE NOVEMBRU SAI PRIMEIRU LUGAR IHA QUIZ BA LORON KONSULTA POPULÁR

Díli, Eskola Sekundária Téknika Vokasional Indústria no Teknolojia 28 de Novembru dala ida tan marka prestasaun ida ne’ebé orgullu. Ninia estudante, Diana da Costa sai primeiru lugar iha kuiz konabá Komemorasaun Loron Konsulta Populár ne’ebé realiza iha Largo Lecidere.

Diana, ho idade tinan sanulu resin ualu (18), klase 11 ano, Departamentu Teknologi Gestaun Ekipamentus Imformatika, impresionadu ho nia koñesimentu ne’ebé luan no kalma hodi hatán ba pergunta hotu-hotu ho loloos. Kompetisaun ne’e hetan partisipasaun husi estudante sira husi eskola sekundária lima (5) inklui ESTV-IT 28 de Novembro. Diana nia vitória sai hanesan prezente espesiál ba Eskola Sekundária Téknika Vokasional Indústria no Teknolojia 28 Novembru

Diretór Eskola Sekundária Téknika Vokasional Indústria no Teknolojia 28 Novembru akresenta katak nia orgullu ba ninia Estudante nia susesu. “Realizasaun ida-ne’e prova katak ami nia Estudante sira la’ós de’it sai di’ak liu iha akadémiku, maibé mós prontu atu kompete iha kompetisaun sira kona ba koñesimentu nian iha nível rejional no nasonal, aliende ne’e mos ho presetasau Diana nian bele motiva nia maluk sira atu estuda badinas liu tan hodi lori eskola nia naran sai morin liu iha komunidade nia le’et “, nia hatete.

Entretantu, Diana mós hato’o nia agradesimentu ba oportunidade ne’ebé iha. “Ha’u agradese ba komisaun organizadora no diretór tanba fiar ha’u hodi hola parte iha kuiz ida-ne’e hodi eskola nia naran,” nia hatete, nakonu ho emosaun.

Hein katak Diana nia susesu sei motiva Estudante hotu-hotu atu kontinua aprende, atinje, no partisipa ativu iha atividade sira ne’ebé haburas perspetiva no espíritu nasionál. Ho realizasaun ida ne’e, Diana da Costa la’os de’it lori onra ba eskola, maibé sai mós inspirasaun ba jerasaun foin-sa’e sira seluk.